FARNESIUS Alexander

FARNESIUS Alexander

potente domo magis quam antiquâ oriundus, quippe quae a Paulo III. Pontif. originem et magnitudinem traxit. Olim adolescens maternis sub imperiis per Belgicam inhonorus egerat, atqueve adeo contemptus, ut non satis animo comperere diceretur. Solita mentiri iudicia vix quisquam apertius convicit. Primum belli decus peperit expugnato Iavarino. Belgicis armis impositus, quantus esset, ostendit; studio laudis indefessus, accessu comis, clemens in hostem, quantumqueve in magna simulatione nosci potuit, fidus Regi, et adversus suam gloriam ac populi studia incorruptus. Parebat consiliis, nisi quod initae semel sententiae contumacior, ac infestus dissidentibus: tum rerum succeslu, nimia concupiscebat, idqueve illi initium adversorum, quae mollius tulit, cum secunda fortiter toleraret. Caspari Roblesii monitis diu obsecutus, eo mortuo, cum nemo praevaleret, inter diversa suadentes fluctuavit, atqueve ex eo cessim iit et fortuna: Maiestas illi oris ita venerabilis, ut et amari posser: statura et cetera corporis mediocria, acres oculi, pervigilis animinotae. Inopiâ et discordiis hostium prudenter usus, diversas in exercitu nationes, et prope insociabiles, iure aequo rexit, compressis odiis, quae statim post mortem et deinceps acrius erupêrunt. Obiit A. C. 1592. viridi adhuc aetate, annorum 47. cum annos 14. in Belgici belli arbitrio egisset: postremos quidem quinqueve deterioris fortunae, nequeve diligentiae eiusdem: seu post Antverpiam gloriae satur voluptatibus se dedit, seu cognitis Philippi Regis suspicionibus ad versus magnam Famam remedium ex segnitie concupivit. Res eius gestas enarrant Thuanus, Strada, H. Grot. Alii in Hist. Belgici belli. Disciplinam cum illo concidisse, prudentes annotarunt. Ceterum, ut dictum, auctor gentis Paulus III. Papa, fatis concessit A. C. 1549. Pater Petri Aloysiii qui patris beneficio primum Camerini, dein Parmae et Placentiae Dux, defunctus A. C. 1547. ex Hieronyma Ursina, genuit Octavium, qui obiit A. C. 1586. Hoc et Margaretâ Austriacâ (filiâ Caroli V. Imp. ex Margareta Vangestia nobili Flandra) genitus Alexander, de quo dictum ex Maria Infant. Portugalliae (filiâ Edoardi Inf. Emanuele Rege geniti) suscepit Rainutium I. defunctum A. C. 1622. Cui successit, ex Margareta Aldobrandina, fil. Edoardus, qui obiit A. C. 1646. Pater, ex Margareta Medicae (filiâ Cosmi II. Medicei, M. Ducis) Rainutii II. qui Isabellam Estensem, filiam Francisci Mutinae Ducis. A. C. 1656. exstincti, duxit. Spener. ubi supra Part. III. p. 19.